दृष्टि फाउण्डेसनलाई स्कुटर सहयोग

कैलाली ।धनगढी उपमहानगरपालिका वडा नम्बर ८ स्थित दृष्टि फाउण्डेसनलाई नयाँ स्कुटर उपलव्ध गराएको छ।लायन्स क्लब अफ धनगढी समृद्धिले आज एक कार्यक्रम मार्फत दृष्टि फाउण्डेसनकी अध्यक्ष कल्पना भट्टलाई नयाँ स्कुटर हस्तान्तरण गरेको हो।

गत चैतमा फाउण्डेसनको से ७ प २१८२ नम्बरको स्कुटरमाथि आगजनी भएपछि दाताहरुले खरिदका लागि आर्थिक सहयोग गरेका थिए। फाउण्डेशनमा रहेका असहाय र मनोरोगी पालन पोषणका लागि धनगढीस्थित हाट बजारबाट टाउँमा तरकारी बोकेर ल्याउँदै गरेको फोटो अध्यक्ष भट्टका भाईले देखेपछि दिदिको लागि स्कुटर किनि दिएका थिए। फाउण्डेशनको घरभित्र रहेको अवस्थामा स्कुटरमा आगजनी गरेको थियो। कसले गरेको हो भन्ने अहिलेसम्म पनि पता लागेको छैन।

फाउण्डेसन स्कुटरकै सहायताले दाताहरुबाट सहयोग संकलन गरी आश्रीत असहाय र मनोरोगीको पालन पोषण गर्दै आएको थियो।