सेती अस्पतालमा स्वच्छिक ब्यक्तिले २५०० मा कोरोना परिक्षण गर्न सक्ने

धनगढी– सेती प्रादेशीक अस्पतालले कोरोना परीक्षण गर्न चाहने व्यक्तिका लागि शुल्क निर्धारण गरेको छ। स्वास्थ्य तथा जनसंख्या मन्त्रालय र सामाजिक विकास मन्त्रालयको निर्देशन तथा अस्पताल व्यवस्थापन समितिले कोरोना परिक्षण गर्ने चाहने व्यक्तिले २ हजार ५ सयमा शुल्कमा परिक्षण गर्ने निर्णय गरेको हो ।

बुधबार सेती प्रादेशिक अस्पतालले सूचना जारी गर्दै स्वइच्छाले कोरोना परीक्षण गर्न चाहने व्यक्तिले अब कोरोना परीक्षण गर्दा दुई हजार पाँच सय शुल्क तिर्नुपर्ने जनाएको छ ।

कोरोना भाईरसको लक्षण भएका व्यक्ति, संक्रमितको सम्पर्कमा आएका व्यक्ति, परिवारका सदस्यसंगै सरकारले निर्देशिकामा तोकेका व्यक्तिको भने निशुल्क कोरोना परीक्षण हुने सेती प्रादेशिक अस्पतालका सुच्ना अधिकारी दिलिप कुमार श्रेष्ठकलेे जानकारी दिए । केहिदिन अघि संघिय सरकारले कोरोना परिक्षण गर्न चाहनेलाई ४ हजार ५ सय शुल्क निर्धारण गरेको थियो ।