जातीय घृणा र हिंसामा बाइडनको शून्य सहनशिलता

बोलन्या थली | ९ जेष्ठ २०७८, आईतवार
जातीय घृणा र हिंसामा बाइडनको शून्य सहनशिलता

काठमाडौँ : अमेरिकी राष्ट्रपति जो बाइडनले जातिय घृणा र हिंसा रोक्न बलियो कदम अघि बढाएका छन् । उनले यस सम्बन्धि विधयेकमा हस्ताक्षर गरेर नै त्यस्तो कदम अघि बढाएका हुन । कोभिड महामारीको समयमा एसियाली अमेरिकी नागरिकहरूमाथि भएको जातीय घृणा र हिंसाका क्रियाकलापको विषयलाई लिएर उक्त विधयेक तय भएको थियो । 

उनको हस्ताक्षरपछि त्यस सम्बन्धि कानुन नै निर्माण हुनेछ । उक्त कानुन बनेर आएपछि हरेक राज्य र स्थानीयस्तरबाटै त्यस्ता अपराधहरूको नियन्त्रण सुरु हुनेछ । त्यो अधिकार सबैमा रहनेछ । विधयेक प्रतिनिधि सभामा पारित भएको थियो भने सिनेटले पनि मन्जुरी दिएको थियो । राष्ट्रपतिको हस्ताक्षर भएको विधेयक अब कानुन बन्‍नेछ । 

यो कानुन बनेपछि अमेरिकीले जातियताको विषय र घृणाको विषय मन मस्तिष्कबाट हटाउन सकिने जानकारी अमेरिकी संचार माध्यममा दिइएको छ । यो विषय उनको चुनावी नारामा पनि थियो । 

राष्ट्रपति बाइडेनले हस्ताक्षर गर्ने क्रममा नै भनेका थिए, ‘अब अमेरिकामा जातीय घृणा र हिंसाको लागि कुनै पनि स्थान छैन र यसलाई शून्य सहनशीलताको रूपमा अमेरिकी सरकारले लिने छ ।’
 
अमेरिका सपनाको मुलुक वा अवसरको मुलुक जे भने पनि अधिक एसियालीहरू बस्छन् । एसियालीलाई हेर्ने दृष्टिकोण पनि फरक बनाएको र हेप्ने कार्यसमेत हुने हुँदा त्यसमा सचेत रहन पहल हुँदै आएको थियो । 

Share this story

जनाअवजको टिप्पणीहरू