कञ्चनपुरमा एक जनाको शब फेला

कञ्चनपुर । कञ्चनपुरका एक जनाको नालामा डुबेर मृत्यु भएको छ। जिल्लाको बेलौरी नगरपालिका वडा नम्बर ५ भकुण्डाका लालबहादुर चौधरीको नालामा डुबेर मृत्यु भएको हो।

उनी महेन्द्रनगरको राधाकृष्ण टोल र हरीत टोलको सीमानामा पर्ने नालामा शनिबार मृत भेटिएका थिए। भीमदत्त नगरपालिका वडा नम्बर १५ हरीतटोलमा बस्दै आएका ३५ वर्षीय चौधरीको नालामा डुबेर मृत्यु भएको प्रहरीले बताएको छ। उनी धानको बीउको लागि यूरीया लिएर नाला माथिको काठको पुलबाट गएका थिए।

बालबालीकाले उनलाई मृत फेला पारेका स्थानीयले बताएका छन्। उनका श्रीमती र दुई छोरी रहेका छन्।उनको शव पोष्टमार्टमका लागि महाकाली अस्पताल राखिएको छ ।