धनगढीमा बृहत् सरसफाइ कार्यक्रम सम्पन्न

धनगढी । धनगढीमा बृहत् सरसफाइ कार्यक्रम सम्पन्न भएको छ  । शुक्रवार धनगढीको एसपीए कलेज हुँदै धनगढी बसपार्क सम्म सरसफाइ गरिएको हो । धनगढी उपमहानगरपालिकाको सहयोग एडुपल नेपाल र बोलन्या थलीको सहकार्यमा मैनादेवी फाउन्डेसनले हाम्रो धनगढी हामी बनाउँछौ हाम्रो धनगढी सफा धनगढी भन्ने नाराका साथ सरसफाइ गरिएको मैनादेवी फाउन्डेसनका अध्यक्ष केपी खनालले जानकारी दिए ।

‘यो वर्षको वातावरण दिवस मनाउँदै हामी हरियाली जुन महिना बनाउने प्रयत्नमा लागिरहेका छौँ,’अध्यक्ष खनालले भने ‘आजको यो सरसफाइ कार्यक्रममा उपस्थिति भई सहयोग गर्नुहुने सबैमा हार्दिक धन्यावाद व्यक्त गर्दछौ ।’

उक्त सरसफाइ कार्यक्रमका सयौँ युवाहरूको सहभागिता रहेको थियो । “म बद्लिन्छु अनि मेरो देश बदलिन्छ ” भन्ने मुल नाराका साथ मैनादेवी फाउन्डेसनले देशभर सरसफाइ तथा विभिन्न सामाजिक काम गर्दै आइरहेको छ ।