चेत राज भट्टद्वारा दृष्टि फाउण्डेसनलाई ५० थान न्यानो लुगा सहयोग

धनगढी । डडेलधुराको गन्यापधुरा गाउँपालिका वडा नम्बर ४ का पूर्व वडाध्यक्ष चेत राज भट्टले धनगढीको दृष्टि फाउण्डेसन नेपाललाई ५० थान न्यानो लुगा सहयोग गरेका छन् ।

समाजसेवी तथा व्यवसायी समेत रहेका भट्टले सोमबार फाउण्डेसनमै पुगेर ५० थान न्यानो लुगा सहयोग गरेका हुन् । अहिले जाडोको मौसम सुरु भएकाले फाउण्डेसनमा रहेका असायहरुलाई जाडोबाट केही राहत होस भन्ने उद्देश्यले ५० न्यानो लुगा सहयोग गरेको बताए ।

बेसहाराको साहार बनेको दृष्टि फाउण्डेसनलाई आफुले सानो भए पनि सहयोग गर्न पाउँदा खुसी लागेको बताउँदै आगामी दिनहरूमा पनि सक्दो सहयोग गर्ने बताए । जाडो मौसम सुरु भइसकेकाले न्यानो लुगा सहयोग गराएकोमा फाउण्डेसनकी अध्यक्ष कल्पना भट्टले धन्यावाद दिइन ।