सुदूरपश्चिम महोत्सवमा पश्चिम सेतीका लागि प्रतिबद्धता शेयर सङ्कलन हुने

बोलन्या थली | ९ चैत्र २०७८, बुधबार
सुदूरपश्चिम महोत्सवमा पश्चिम सेतीका लागि प्रतिबद्धता शेयर सङ्कलन हुने

धनगढी : सुदूरपश्चिम महोत्सवमा पश्चिम सेतीका लागि प्रतिबद्धता शेयर ( प्रोमिस आइपिओ) सङ्कलन हुने भएको छ ।

भोलि चैत १० देखि सुरु हुने महोत्सवमा बोलन्या थलीले  स्टल न. ११ मार्फत प्रतिबद्धता शेयर सङ्कलन हुने भएको हो । वित्तीय व्यवस्थापनका लागि स्वदेशी लगानी नै उत्साही छ भनेर सरकारलाई रचनात्मक सन्देश दिन यो अभियान चलाएको थलीका संयोजक यादव जोशीले बताए ।

‘वित्तीय व्यवस्थापनका लागि स्वदेशी लगानी नै उत्साही छ भनेर सरकारलाई रचनात्मक सन्देश दिन यो अभियान चलाएका हौ,’ उनले भने, ‘पश्चिम सेती जलविधुत निमार्ण गर्न सरकारलाई दबाब दिने यो बोलन्या थलीको सदाबहार स्थायी मुद्दा हो । यस अघि पनि हामीले थुप्रै रचनात्मक कार्यक्रम सम्पन्न गरिसकेका थियौँ  । अब पश्चिम सेती जलविधुतलाई आफ्नै लगानीबाट बनाउनुपर्छ भनेर यो  साङ्केतिक अभियानमा सञ्चालन गरेका छौँ । सबैले फाराम भरि साथ दिनुहोला ।’

कैलाली उद्योग बाणीज्य सङ्घको आयोजनामा हुन लागेको महोत्सव चैत २० गतेसम्म सञ्चालन हुनेछ । 

जनाअवजको टिप्पणीहरू