धनगढीमा हुने एलपिएलको पाँचौ संस्करणको मुख्य प्रायोजक चण्डिका ग्रुप

धनगढी : धनगढीमा हुने एलपिएलको पाँचौ संस्करणको मुख्य प्रायोजक चण्डिका ग्रुप हुने भएको छ । फागुन १५ गतेदेखि २४ गतेसम्म धनगढीमा हुने लिटल फ्लावर प्रिमियर लिगको पाँचौ संस्करणमा चण्डिका ग्रुप मुख्य प्रायोजकको रुपमा आज सम्झौतामा हस्ताक्षर गरिएको हो ।

लिटल फ्लावर स्पोर्टस एण्ड ईभेन्ट्सले धनगढीमा पत्रकार सम्मेलन गर्दै प्रतियोगिताको मुख्य प्रायोजन सम्झौता गरेको हो। योसँगै प्रतियोगिताको पाँचौं संस्करणको नाम चण्डिका ग्रुप लिटिल फ्लावर प्रिमियर लिग रहने भएको छ । पत्रकार सम्मेलनका बिच आयोजकका तर्फबाट ईभेन्ट्सका अध्यक्ष रामचन्द्र शाही र टिकापुरमा रहेको चण्डिका ग्रुपका निर्देशक श्याम कुँवरले सम्झौता पत्रमा हस्ताक्षर गरे ।

लिग कम नक आउटमा खेलाइने प्रतियोगितामा धनगढी स्थित संघीय प्रहरी इकाईको खेल मैदानमा जनाईएको छ । प्रतियोगितामा विद्यालय स्तरका यु–१९ का खेलाडीहरूले सहभागिता जनाउने छन् ।  देशभरका करिब १२ विद्यालय प्रतियोगितामा सहभागी हुने लिटिल फ्लावर स्पोटर्स एन्ड इभेन्ट्सका अध्यक्ष रामचन्द्र शाहले बताए ।