सडक बिस्तारका लागि दबाब दिन डडेल्धुरामा लास आन्दोलन

धनगढी  : डडेल्धुरामा सडक बिस्तारका लागि दबाब दिन  लास आन्दोलन गरेका छ्न । मंगलबार जिल्लाको सदरमुकाममा बोलन्या थलिको आयोजनामा युवाहरुले बजार क्षेत्रको सडक बिस्तारको माग गर्दै, कोरोनाले होइन, दुर्घटनाले मरिएको छ, म त गए माथी, तिमी बाच है साथी, सडक चौडा खै, म त स्वर्ग पुगे बरी लै, लगायतका नारा ब्यानरसहित लास बनाएर प्रदर्शन गरेका हुन ।

कोरोना भन्दाबढि सडक दुर्घटनाले मानिसको ज्यान गएकोले सडक बिस्तार गर्न आवश्यक रहेको सडक बिस्तारका लागि दबाब दिन लास आन्दोलन गरिएको बोलन्या थलीका संयोजक यादव जोशीले जानकारी दिए।

डडेल्धुराको सदरमुकाम बजार क्षेत्रको सडक साघुरो हुदा दुर्घटना सम्भावना रहेको छ । भने बजार क्षेत्र कुरुप बनेको छ । संघिय सरकारले स्याउले देखि पोखरासम्मको सडक बिस्तारका लागि रू ४४ करोड बजेट विनियोजित गरेको छ । तर सडकका दायाबॉयाका केही ब्यापारीले सडक बिस्तार रोक्न भन्दै सर्बोच्च अदालतमा मुद्दा हालेका छ्न ।