बाजुरामा पहिरोमा परी एक बालकको मृत्यु

२५ साउन,

बाजुरामा पहिरोमा परी एक बालकको मृत्यु भएको छ । गौमूल गाउँपालिका–४ ग्वानीमा भिके कामीको छोराको मृत्यु भएको हो ।

आइतबार बिहान ३ बजे घरमाथिबाट पहिरो छानामा खस्दा ९ वर्षीय मंगल कामीको मृत्यु भएको गौमूल गाउँपालिकाका अध्यक्ष हरिबहादुर रोकायाले जानकारी दिएका छन् ।

रातिदेखि परेको अविरल वर्षाका कारण पहिरो आएपछि कामीको घर पुरिएको र मृतकका बुवा भिके कामी सख्त घाईते भएका छन् । उनलाई जिल्ला अस्पताल मार्तडी ल्याईरहेको रोकायाले बताए । file photo