धनगढीमा भारतिय नागरिक मृत फेला

धनगढीमा एक जना भारतिय नागरिक मृत फेला परेका छन्। धनगढी उप–महानगरपालिकाको सेतो पुल नजिक सम्पूर्णनगर खिरीका ४५ बर्षीय जितेन्द्र शर्मा मृत फेला परेको जिल्ला प्रहरी कार्यालय कैलालीले जनाएको छ ।

मृतक धनगढीमा मागेर गुजारा चलाउँदै आएको जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टले जनकारी दिए । मृत्यु के कति कारणले भयो भन्ने बारेमा केही नखुलेको प्रहरीले जनाएको छ ।