बैतडीमा गाउँपालिकाको एम्बुलेन्स दुर्घटना

बैतडी । बैतडीको दोगडाकेदार गाउँपालिकाको एम्बुलेन्स गएराति दुर्घटनामा परेको छ । डिलाशैनी गाउँपालिकाको गण्न्नामा बिरामी छोडेर गाउँपालिका तर्फ आउँदै गरेको एम्बुलेन्स महाकाली लोकमार्गको सतबाँझ–गोकुलेश्वर सडक खण्डको दोगडाकेदार गाउँपालिका ५ चम्तडी भन्ने ठाँउमा दुर्घटनामा परेको प्रहरीले जनाएको छ ।

ना. अ. ९८८ नम्बरको एम्बुलेन्स सडकबाट करिब २ सय मिटर तल खसेको जिल्ला प्रहरी कार्यालयका प्रवक्ता प्रहरी निरीक्षक किसन चन्दले जानकारी दिए । एम्बुलेन्समा चालक मात्रै रहेका र उनी सकुशल रहेका प्रहरीले जनाएको छ ।