कञ्चनपुरमा ट्याङ्करको ठक्करबाट एक जनाको मृत्यु

कञ्चनपुर । कञ्चनपुरमा पानी बोक्ने ट्याङ्करको ठक्करबाट एक जनाको मृत्यु भएको छ। जिल्लाको पुनर्वास नगरपालिका १ को कालिका स्वास्थ्यचौकी नजिक ट्याङ्करको ठक्करबाट वडा नम्वर ७ का ३८ बर्षीय लोकेन्द्रसिंह ठकुरीको घटनास्थलमै मृत्यु भएको कञ्चनपुर प्रहरीले जनाएको छ ।

जिल्ला प्रहरी कार्यालय कञ्चनपुरका प्रहरी नायव उपरिक्षक अमर वहादुर थापा क्षेत्रीका अनुसार   से ६ प ६४२६ नम्वरको मोटरसाईकलमा सवार उनलाई बा १ क ९७८४ र से १ क १७४ नम्वरको ट्याङकरमध्ये एउटाले ठक्कर दिएको बुझिएको छ । यकिन बिवरण आउन भने बाकी छ ।

 घटनापछि आक्रोसित स्थानीयले पानी ढुवानी गर्ने दुई वटा ट्याङ्करमाथि आगजनी सकेत गरेका छन ।