कैलालीमा मोटरसाईकलको ठक्करबाट एक जनाको मृत्यु, तीन घाईते

धनगढी,असार १६ । कैलालीमा मोटरसाईकलको ठक्करबाट एक जनाको मृत्यु भएको छ भने तीन जना घाईते भएका छन्। मृत्यु हुनेमा जिल्लाको बर्दगारिया गाउँपालिका वडा नं. २ का ३० बर्षीय रमेश परियारका ५ बर्षीय छोरा हिमान्शु परियार रहेका छन ।

गाउँपालिकाको वडा नं. वडा नम्वर १ स्थित पूर्वपश्चिम राजमार्गमा पश्चिमबाट पूर्वतर्फ गईरहेको भे ६ प २५२० नम्वरको मोटरसाईकलले र सोही दिशा तर्फ गईरहेको दुई जना सवार साईकललाई ठक्कर दिदा गम्भीर घाईते भएका बालकको कोहलपुर मेडिकल कलेजमा उपचारका क्रममा मृत्यु भएको जिल्ला प्रहरी कार्यालय कैलालीका प्रहरी नायब उपरीक्षक प्रतिक बिष्टले बताए ।

उनका अनुसार मोटरसाईकल चालक घोडाघोडी नगरपालिका वडा नम्वर ८ का २५ बर्षीय सुरेश चौधरी, मोटरसाईकलमा सवार बर्दगोरीया गाउँपालिका वडा नम्वर ३ का २६ बर्षीय जयदेव चौधरी र मृतक बालकका बुवा साईकल चालक बर्दगोरीया गाउँपालिका वडा नम्वर १ बस्ने रमेश परियार घाईते भएका छन्।