आफ्नै साथी दुश्मन बनेपछि…

स्वयम्भूमा आफ्नै साथीले एक जना युवकको हत्या गरेको छ । बिहिवार राति साढे ११ बजे स्वयम्भूमा उनकै साथीहरुले श्याम परियारको हत्या गरेको हो ।

युवकको हत्या गरेको आरोपमा तीन जनालाई विभिन्न स्थानबाट पक्राउ गरेको प्रहरीले जनाएको छ ।

प्रहरीका अनुसार ‘हिजो उनी र अन्य तीन जना साथी सँगै बसेर रक्सी खाएका रहेछन् तर पछि पैसा तिर्ने विषयमा झगडा हुँदा साथीहरूले इँट्टा ब्लकले टाउकोमा हानेर हत्या गरेका थिए।

पक्राउ पर्नेमा ओखलढुंगा लिखु गाउँपालिका-८ घर भई काठमाडौं महानगरपालिका-१५ डल्लु बस्ने ४७ वर्षीय शम्भु विक, महानगर वडा १६ पदमाजल बस्ने कृष्णमान शाक्य र काभ्रे दोलालघाट घर भई महानगर वडा १५ बस्ने रामलामा तामाङ रहेका छ्न ।
घटना बारे थप अनुसन्धान भइरहेको प्रहरीले जनाएको छ।