आइतवार सुदूरपश्चिमका दुई नाकाबाट ५ सय १ नेपाली स्वदेश भित्रिए

धनगढी ,असार ७ । आज (आइतवार) सुदूरपश्चिमका दुई नाकाबाट ५ सय १ नेपाली स्वदेश भित्रिएका छन । कैलालीको त्रिनगर नाकाबाट दुई सय ५४ जना नेपाली फर्किए छन भने कञ्चनपुरको गड्डाचौकी नाकाबाट दुई सय ४७ जनाको उद्धार गरिएको जनाएको छ ।

नेपालबाट दुई नाकाबाट एक सय ९६ जना भारत गएका छन्। नेपाल भित्रिएकाहरुलाई सम्बन्धीत स्थानीय तह पठाउने कार्य भइरहेको सम्बन्धित प्रशासन कार्यालयहरुले जनाएका छन । रोजगारीका लागि भारतका विभिन्न शहर गएका नेपाली बिगत दुई महिना देखि दैनिक नेपाल भित्रिने क्रम जारी रहेको छ ।