गन्यापधुरा गाउँपालिकामा सुरक्षाकर्मीसहित २७ जनामा आरडिटी पोजेटिभ

डडेल्धुराको गन्यापधुरा गाउँपालिकामा सुरक्षाकर्मीसहित २७ जनामा आरडिटी पोजेटिभ देखिएको छ । आइतबार गाउपालिकामा रहेका विभिन्न क्वारेन्टाइनमा बसेका २५८ जनामा गरिएको आरडिटी परिक्षणमा २७ जनामा पोजेटिभ देखिएको हो । गाउपालिकाका ३,४ र ५ वडाको क्वारेन्टाइनमा बसेकामा आरडिटीमा पोजेटिभ देखिएका छ । गन्यापधुरा वडानम्बर ३ मष्टामाण्डौ स्वास्थ्य चौकीमा गरिएको आरडिटी परिक्षणमा एक जना सुरक्षाकर्मीसहित १७ जनामा पोजेटिभ देखिएको गन्यापधुरा स्वास्थ शाखाले जनाएको छ ।
त्यस्तै वडा नम्बर ४ मा रहेको लाटामाण्डौ रुमायलकाे क्वारेन्टाइनमा २ जना र वडा नम्बर ५ मा रहेका सिताराम मावि रेलको क्वारेन्टाइनमा ५ जना,दुर्गा प्रावि माेईमा रहेको क्वारेन्टाइनमा ३ जनामा आरडिटी पोजेटिभ देखिएको स्वास्थ्य शाखाले जनाएको छ । कोरोना भाईरस पिसिआर मार्फत परिक्षणका लागि स्वाव संकलन गरि सेती प्रादेशिक प्रयोगशाला धनगढी पठाइने जनाएको छ ।