लोकप्रिय हास्यकलाकार राजा राजेन्द्रले ल्याए नयाँ कार्यक्रम ‘नेपाली कमेडी शो’

धनगढी – लोकप्रिय व्यंग्यकार तथा हास्यकलाकार राजा राजेन्द्र पोखरेलले नयाँ कार्यक्रम ‘नेपाली कमेडी शो’ संचालनमा ल्याएका छन् ।

स्ट्याण्ड–अप कमेडीमा आधारित नयाँ कार्यक्रम ‘नेपाली कमेडी शो’ जनता टेलिभिजन एचडीबाट प्रत्येक बुधवार राति ८:४५ बजेदेखि १ घण्टा र टेलिभिजनको अफिसियल युट्युब च्यानलबाट प्रसारण हुन लागेको हो ।

कार्यक्रममा चर्चित कलाकारहरु राजा राजेन्द्र पोखरेल, सुवोध गौतम छन् भने यस्तै दिनेश काफ्ले, प्रभात लामा, राधिका कँडेल, सुन्दर खनाल, कल्पना खतिवडा, सुयासा खनाल आदि कलाकारले यो कार्यक्रममा आफ्नो जोडदार प्रस्तुतीमार्फत दर्शकलाई हँसाएका छन् ।

जनता टेलिभिजन एचडीमा आउने सो कार्यक्रमको निर्माता भने उज्वल पोखरेलले गरेका छन् ।