धनगढीमा तस्करसंग भिडन्तमा अस्थायी प्रहरी चौकीका ईञ्चार्जको मृत्यु, एक प्रहरी जवान बेपत्ता

धनगढी : कैलालीको धनगढी उपमहानगरपालिका—१२ जुगेडामा तस्करसङ्गको भिडन्तमा अस्थायी प्रहरी चौकीका ईञ्चार्ज प्रहरी सहायक निरिक्षक(असई) मृत्यु भएको छ ।

गएरातिदेखि बेपत्ता भएका असइ (असई) गोविन्द बिकको शव आज बिहान सीमा नाकामा मोहना नदीमा फेला परको हो । भने उनीसंगै गस्तीमा गएका प्रहरी जवान राम बहादुर साँउद फेला परेका छैनन ।
चौकीबाट मोटरसाईकलमा राति साढे आठ बजे गस्तीमा निस्किएका दुबै जना साढे १० बजे देखि सम्पर्क बिहिन भएका थिए । आज बिहान उनीहरुको खोजी गर्दा चौकीबाट एक किमीको दूरीमा उनीहरु चढेको मोटरसाईकल फेला परेको र करीव तीन किमीको दूरीमा रहेको मोहना नदीमा लाश फेला परेको छ ।

प्रहरी नायव महाननिरिक्षक उत्तम सुवेदी सहितको प्रहरीको टोली घट्नास्थल पुगेको छ ।
प्रहरीले तस्करहरुसंगको भीडन्तमा उनीहरु मारिएको हुनसक्ने आशंका गरेको छ ।