सुदूरपश्चिम प्रदेशमा  ६ हजार ७ सय बढी कोरोना मुक्त

कञ्चनपुर । सुदूरपश्चिम प्रदेशमा  ६ हजार ७ सय बढी कोरोना मुक्त भएका छन ।  प्रदेशका बिभिन्न जिल्लाबाट ६ हजार ७ सय २ जना संक्रमित निको भएका हुन ।  प्रदेश स्वास्थ्य निर्देशनालयले दिएको जानकारी अनुसार बिहिबार कञ्चनपुरका १२ र बैतडीका २ गरी १४ जना कोरोना मुक्त भएका छन ।

सुदूरपश्चिम प्रदेशमा कोरोना भाईरसका संक्रिय संक्रमितको संख्या १ हजार ९९ रहेको छ । सुदूरपश्चिमको कैलाली जिल्लामा संक्रिय संक्रमितको संख्या ५ सय ८७, डोटीमा १ सय २९, बझाङमा १ सय ९, अछाममा ६२, बैतडी ३२, कञ्चनपुरमा ९२, दार्चुलामा ७३ र डडेल्धुरामा १३ जना कोरोनाका संक्रिय संक्रमित रहेका छन भने बाजुरा जिल्लामा कोरोनाका संक्रिय संक्रमित शून्य रहेको छ । अहिले सम्म प्रदेशमा  १८ जना कोरोना संक्रमितले ज्यान गुमाएका छन ।