एकै दिन थपिए दुइ हजार भन्दा बढी कोरोना संक्रमित

काठमाडौं । नेपालमा शुक्रवार २ हजार २० जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २०२० संक्रमित भेटिएका हुन् ।

यससँगै देशभर संक्रमितको कुल संख्या ६१,५९३ पुगेको छ । मन्त्रालयका अनुसार ८७१ जना संक्रमित निको भएका छन् । शुक्रबारसम्म देशभर सक्रिय संक्रमितको संख्या १७ हजार ३८३ जना रहेका छन् । जसमध्ये संस्थागत आइसोलेसनमा ९ हजार २९५ जना रहेका छन् र होम आइसोलेसनमा ८ हजार ८८ जना रहेका छन् ।पछिल्लो २४ घण्टामा कोरोना संकमणबाट थप ७ जनाको मृत्यु भएको छ ।