नवदुर्गाका पूर्व अध्यक्ष विष्टले गरे चामाचौडमा सञ्चालित ठुला आयोजनाहरूको अवलोकन

डडेल्धुरा ।डडेल्धुराको नवदुर्गा गाउँपालिका ५ चामाचौडमा सञ्चालित ठुला आयोजनाहरूको अवलोकन गरिएको छ । पालिकाका पूर्व अध्यक्ष कवीन्द्र विष्ट सहितको टोलीले आइतबार ती आयोजनाहरूको अवलोकन गरेका हुन्।

२०७४ को स्थानीय सरकारको पालामा सञ्चालित एकीकृत दलित बस्ती योजना टाँक थलागडा, खोडानेटा चौडचामा ढुङ्गाड सडक,खडाखोरी ठाटा लिफ्ट खानेपानी योजना,विद्यालय भवन लगायतका परियोजनाको अनुगमन गरेका हुन् ।

ती योजनाको अवलोकन गर्दै पूर्व अध्यक्ष विष्टले आफ्नो पालामा सुरु भएका योजनाको पूर्णता र नयाँ योजना निर्माणका लागी आफू निरन्तर लागि रहने बताए । अवलोकनमा विष्ट सहित वडा न ४ का अध्यक्ष पदम विष्ट र समाज सेवी राज साउँदको समेत सहभागिता रहेको थियो ।