सहिद दिवसको अवसरमा कैलाली बहुमुखी क्याम्पस BSW समुहद्वारा सहिदप्रती माल्यापर्ण तथा दिप प्रज्वलन

धनगढी :धनगढीमा सहिद दिवसको अवसरमा कैलाली बहुमुखी क्याम्पस बिएसडब्लु समुहले कैलाली बहुमुखी क्याम्पस देखि सहिद गेट सम्म र्यालीसहित चटकपुरस्थित सहिद गेटमा रहेको दशरथ चन्दको सालिकमा माल्यापर्ण तथा दिप प्रज्ज्वलन गरेका छन् ।

सहिदहरुको सम्झना तथा सम्मानमा सम्पूर्ण ज्ञात अज्ञात सहिदहरुमा सम्मान प्रकट गर्दै सालिकमा माल्यापर्ण तथा दिप प्रज्ज्वलन कार्यक्रम गरिएको BSW दोस्रो बर्षमा अध्यनरत विद्यार्थी शैलेन्द्र चन्दले जानकारी दिए।

उक्त कार्यक्रममा कैलाली बहुमुखी क्याम्पसका मानबिकी संकाय बिभाग प्रमुख सहप्राध्यापक मान बहादुर जोरा पनि उपस्थित हुनुभएको थियो। उनले विद्यार्थीहरु तथा सम्पूर्ण नेपाली जनसमुदायले पनि सहिदहरुको योगदानको कदर गर्न पर्ने बताउनु पर्ने कुरामा जोड दिनु भयो। साथै यो कार्यक्रमको आयोजना गर्ने कैलाली बहुमुखी BSW समुहमा विशेष आभार प्रकट गर्नुका साथै आगामी दिनहरुमा पनि यस्ता कार्यक्रमहरुमा विद्यार्थीहरुको सहभागीताका लागि क्याम्पस प्रशासनले पनि बिशेष सहयोग तथा समर्थन गर्ने र आउँदा दिनहरुमा पनि विशेष सहयोग कुरामा जोड दिनुभयो।कार्यक्रममा BSW अध्यनरत विद्यार्थी लगाएत अन्य विभिन्न ब्यक्तिहरुको पनि उपस्थिति रहेको थियो ।