अछाममा वेवारिसे अवस्थामा भरुवा बन्दुक फेला

अछाम । अछाममा भरुवा बन्दुक वेवारिसे अवस्थामा फेला परेको छ । जिल्लाको साफेबगर नगरपालिका वडा नम्बर ८ स्थित चिउरिनालो गाउँको माथिल्लो जंगलमा रहेको ओडारमा वेवारिसे अवस्थामा बन्दुक फेला परेको हो ।

जिल्ला प्रहरी कार्यालय अछाम मातहत ईलाका प्रहरी कार्यालय बयालपाटा बाट खटिएको प्रहरी गस्ती टोलीले गस्ती गर्ने क्रममा साँफेबगर नगरपालिका वडा नम्बर ८ स्थित चिउरीनालो गाउँको माथिल्लो जंगलमा रहेको ओडारमा लुकाई छिपाई राखेको एक नाले भरुवा बन्दुक वेवारिसे अवस्थामा फेला परेको जिल्ला प्रहरी कार्यालय अछामका सुचना अधिकारि रमेश रमेश दत्त अवस्थीले जानकारी दिए ।उक्त भरुवा बन्दुक कस्को हो भन्ने खुल्न नआएको र थप अनुसन्धान कार्य उनले बताए ।